Alban Ramosaj është padyshim një nga këngëtarët më të dashur për publikun shqiptar dhe një nga emrat më të komentuar të momentit. Kohët e fundit ai ka qenë në qendër të vëmendjes për shkak të pjesëmarrjes së tij në edicionin e 60-të të Festivalit të Këngës në RTSH. Albani arriti që të merrte vendin e dytë pas Ronela Hajatit, e cila rrëmbeu vendin e parë dhe na përfaqësoi ditën e djeshme në gjysmëfinalen e parë në Eurovision edhe pse nuk ia doli të kualifikohet në finale.

Ditën e sotme Albani ka postuar një ‘Ask’ në Instastory, ku u është përgjigjur disa prej pyetjeve të ndjekësve të tij. Një prej tyre e ka pyetur këngëtarin, se cilin nga artistët mendon se duhet ta përfaqësoj vendin në Eurovizion sipas tij. Albani nuk ka nguruar t’i përgjigjet kësaj pyetje dhe i ka bërë tag Yll Limanit, duke treguar kështu se do të donte ta shikonte atë në Eurovizion.