Mack Rutherford, piloti britanik 17-vjeçar synon të hyjë në librin Guinness për një arsye shumë të fortë!

vovalbania August 22, 2022 0 koment 1 Mund të lexoni në minuta.
Mack Rutherford, piloti britanik 17-vjeçar synon të hyjë në librin Guinness për një arsye shumë të fortë!

Mack Rutherford zbarkoi dje në verilindje të Skocisë përpara fazës së fundit të përpjekjes së tij për të mposhtur Rekordin Botëror Guinness për personin më të ri që fluturoi rreth botës i vetëm me një aeroplan të vogël. Rutherford mbërriti pas një fluturimi sfidues 11-orësh përtej detit të rrezikshëm Bering. Udhëtimi i tij zgjati më shumë se sa pritej dhe ishte i mbushur me sfida të shumta moti dhe teknike.

Adoleshenti belgo-britanik zbarkoi në Aberdin, në fazën e fundit të udhëtimit të tij të kthimit për në Sofje, ku ai shpreson të mbërrijë më 24 gusht. Rutherford u shpreh se:

Ka shumë njerëz të moshës sime që bëjnë gjëra të mahnitshme. Shpesh pak njerëz dinë për to. Së bashku mund të tregojmë se të rinjtë bëjnë ndryshimin.

Mack synon të thyejë rekordin e fluturimit i vetëm nëpër botë, aktualisht i mbajtur nga britaniku Travis Ludlow, i cili e përfundoi këtë sukses në moshën 18 vjeç e 150 ditë. Adoleshenti dëshironte të bëhej pilot që në moshën tre vjeçare dhe u kualifikua për patentën e pilotit në shtator 2020, gjë që në atë kohë e bëri atë pilotin më të ri në botë në moshën 15 vjeç e dy muaj. Adoleshenti po fluturon me një të ashtuquajtur ”peshkaqen”, një avion ultra i lehtë me performancë të lartë dhe me një shpejtësi që arrin deri në 300 km/h. Avioni është përgatitur posaçërisht për një udhëtim kaq të gjatë dhe kompania ICDSoft, sponsorja kryesore  e Mackut, po i jep hua avionin për këtë përpjekje.

Biletë:

vovalbania

Redaktori nuk ka dhënë ende asnjë informacion për veten e tij.

Total 55520 ka shpërndarë postimin.
MEDIAT SOCIALE