Askujt nuk i pëlqen të merret me një tualet të bllokuar, kështu që më mirë tregohuni më të kujdesshëm me ato që hidhni në tualet. Kushdo që ka përvojë në mirëmbajtjen e hidraulikës dhe kanalizimeve do t’ju këshillojë që pecetat e lagura, të cilat nuk prishen aq lehtë në linjat e kanalizimeve si letra e zakonshme e higjienës, janë në fakt shkaku kryesor i bllokimit të kanalizimeve që mund të shkaktojnë dhimbje koke për pronarët e shtëpive.

Në vend të kësaj, mbani një kosh të vogël plehrash me kapak pranë tualetit dhe zbrazni shpesh. Njihuni me 5 gjërat që nuk duhet t’i hidhni kurrë në tualet sepse e bllokojnë atë:

1.Ushqimi

Nuk duhet të hedhim asnjëherë ushqimet e mbetura në tualet. Sipas Doherty Plumbing nga Virxhinia, ushqimi mund të jetë shumë i madh për tubat, të shkaktojë bllokime dhe madje të thithë ujin, duke e përkeqësuar problemin.

2.Flokët

Tualeti duket si një vend i mirë për të hedhur flokët që sapo keni krehur, por nuk është kështu, për të njëjtat arsye që fijet e gjata të flokëve janë një lajm i keq për kanalet e lavamanit dhe dushit. Ato gjithmonë mund të kapen në tubacionet tuaja dhe të fillojnë të krijojnë një bllokim. Nuk duhet t’i hidhni as produktet e higjienës femërore si tamponët, të cilat përbëhen nga fibra super absorbuese që bllokojnë kullimin.

3.Rërë

Një ditë në plazh mund t’ju lërë të ndiheni sikur keni sjellë gjysmën e plazhit me vete, por duhet të përpiqeni të mbani rërën jashtë tubacioneve tuaja si në kanalin e dushit ashtu edhe në tualet. Rëra është më e rëndë se uji dhe atëherë do të jetë shumë e vështirë ta lani atë.

4.Çamçakëz

Çamçakëzi mund të kontribuojë në bllokimin e tubave dhe tualeteve, si çdo substancë tjetër e papërshkueshme por gjithashtu mund të përfundojë në rrugët ujore, duke kontribuar në problemin e madh mikroplastik të planetit.

5.Yndyra dhe vaj gatimi

Ndërsa ata mund të mbajnë motorin e një makine të funksionojë pa probleme, ata bëjnë të kundërtën për tubacionet tuaja, duke u forcuar, duke u vendosur në të gjitha gropat dhe duke tërhequr copa të çdo gjëje që noton përreth.