Nëse nuk i mbani mend ëndrrat tuaja, nuk jeni të vetmit! Ja arsyet pse ndodh kjo sipas ekspertëve!

vovalbania September 01, 2022 0 koment 2 Mund të lexoni në minuta.
Nëse nuk i mbani mend ëndrrat tuaja, nuk jeni të vetmit! Ja arsyet pse ndodh kjo sipas ekspertëve!

Truri ynë ndërton ëndrrat nga kujtimet tona që janë të pranishme në jetën e përditshme, por disa njerëz shpesh e kanë të vështirë të kujtojnë ëndrrat e tyre. Ja disa nga arsyet pse ne nuk i mbajmë mend ëndrrat tona, nga stresi deri te zgjimi i shpejtë…

Stresi

Hulumtimet kanë treguar se stresi jo vetëm që prish dhe shkurton fazën e gjumit REM, por gjithashtu rrit numrin e zgjimeve gjatë natës. Të dyja mund ta bëjnë të vështirë për ju të mbani mend atë që keni ëndërruar.

Të ushqyerit

Është e rëndësishme të shmangni ushqimet që shqetësojnë gjumin, si ushqimet e yndyrshme dhe të skuqura, ushqimet pikante, agrumet, por dhe pijet e gazuara.

Trauma

Trauma është e ngjashme me stresin, por shumë më intensive. Mund të çojë lehtësisht në pagjumësi, por edhe në shtypjen e plotë të kujtimit të ëndrrave në një përpjekje për të harruar makthet e dhimbshme sa më shpejt të jetë e mundur.

Stimuluesit

Rekomandohet të shmangni kafeinën, nikotinën, alkoolin dhe marihuanën përpara se të shkoni në shtrat, sepse të gjitha ato shqetësojnë gjumin. Edhe pse duket se, për shembull, alkooli kontribuon për të fjetur më shpejt, ai në fakt e prish gjumin në gjysmën e dytë të natës kur alkooli tretet.

Medikamentet e caktuara

Sipas ekspertit të gjumit dhe profesorit të NYU, Girardin Jean-Louis, disa medikamente mund të ndikojnë në ciklin e gjumit REM ose të shkaktojnë ankthe.

Çrregullime të gjumit

Gjithçka nga pagjumësia tek apnea e gjumit dhe narkolepsia mund të ndikojë negativisht në ciklin e gjumit REM.

Zgjimi shumë shpejt

Sipas psikologut dhe ekspertit të ëndrrave Rubin Najman, zgjimi shumë shpejt mund t’ju bëjë të harroni atë që keni ëndërruar. Ai thotë se periudha e një lloj marramendjeje, gjendja hibride e jashtëzakonshme në të cilën zgjoheni nga gjumi, është e shkëlqyer për të kujtuar atë që keni ëndërruar.

Duke mos i kushtuar vëmendje

Autori dhe eksperti i ëndrrave të kthjellëta Robert Wagoner përmendi një herë se disa njerëz thjesht janë më të interesuar për ëndrrat e tyre se të tjerët. Dhe, nëse diçka nuk ju intereson, as nuk do t’i kushtoni vëmendje.

Thuhet se nëse konsumoni djathë para se të flini, do të kaloni një natë të gjatë me ëndrra të frikshme. Madje do të keni edhe makthe gjatë natës. Por sipas shkencës, ky mit nuk është plotësisht i vërtetë, pasi është realizuar një studim me 200 njerëz të cilët kanë ngrënë djathë para se të shkonin në shtrat. 75% e pjesëmarrësve janë shrehur se kanë kaluar një natë të qetë, edhe pse kanë parë ëndrra më të çuditshme se zakonisht.

Biletë:

vovalbania

Redaktori nuk ka dhënë ende asnjë informacion për veten e tij.

Total 58382 ka shpërndarë postimin.
MEDIAT SOCIALE