Aktorja Stacey Dash ka shpërthyer në lot kur ka mësuar se reperi legjendar amerikan, DMX, ka ndërruar jetë, megjithëse kjo ka ndodhur më shumë se një vit më parë. Ylli i filmit “Clueless” shpërtheu në lot për vdekjen e reperit në një video që ajo e postoi në TikTok së fundmi, duke thënë se i vinte turp që nuk dinte për sulmin e tij në zemër të shkaktuar nga kokaina. Në videon e postuar Dash u shpreh:

Sot kanë kaluar gjashtë vjet e një muaj që jam e pastër nga droga dhe kjo më thyen zemrën. Ai humbi jetën nga kjo gjë. Ai iku nga ai demon i varësisë. Ju lutem mos humbni veten. Isha duke shikuar nëpër TikTok dhe gjeta këngën e tij që më ka shpëtuar shumë herë. Papritur shkruan #RIP. Nuk e dija se ka ndërruar jetë. Unë jam e thyer, ai ishte një djalë shumë i mrekullueshëm.

@official.staceydash

I was strolling through #tiktok and found a #DMX song that has saved me many times. Suddenly it says #RIP i know I am late, i did not know he passed away, he #OD I am heartbroken – he was such a great guy. #devestated #staceydash #fyp #sober

♬ original sound – Official.StaceyDash

DMX ndërroi jetë më 9 prill 2021 në moshën 50 vjeçare, ndërsa shumë prej ndjekësve në rrjet nuk mund t’i besonte aktores se nuk kishte dëgjuar për vdekjen e tij. DMX, i cili ishte themeluesi i grupit muzikor Ruff Ryders, ka qenë në rehabilitim disa herë për shkak të varësisë ndaj drogës. Periudha e tij e fundit e rehabilitimit ishte në vitin  2019, pasi ai përfundoi një dënim me burg 12-muaj për evazion fiskal.

Një prej këngëve më të famshme të DMX është “Party Up (Up in Here)” që e bëri atë të njohur në mbarë botën. DMX bëri kthimin e tij në skenë pas rehabilitimit në dhjetor 2019, ku u shfaq duke biseduar dhe duke bërë fotografi me fansat para se të dilte në skenë.