Fjalimet e presidentit ukrainas Volodymyr Zelensky për mundësinë e marrjes së Krimesë me mjete ushtarake janë të pakuptimta, tha ish-kancelari gjerman Gerhard Schroeder në një intervistë për mediat spanjolle.

“Ideja që Presidenti Zelensky mund ta marrë Krimenë ushtarakisht është e pakuptimtë,” tha ai.

Më 24 gusht, Zelensky njoftoi se do të rimerrte Krimenë me çdo mjet dhe pa konsultime me vendet partnere. Ai theksoi se çdo ditë Kievit i duhen më shumë armë nga Perëndimi për t’u përballur me Moskën.

Presidenti ukrainas, Volodymyr Zelensky, u ka bërë thirrje trupave ruse që të largohen nga ofensiva e nisur nga trupat e tij afër qytetit strategjik jugor të Hersonit, që është pushtuar nga Rusia që në fillim të luftës. Sipas Zelensky-t, trupat ukrainase janë duke rimarrë kontrollin e territorit të tyre. Në një video-mesazh të postuar mbrëmë, Zelensky u zotua se trupat ukrainase do të ndjekin ushtrinë ruse “deri në kufi”.

Gerhard Schroeder është margjinalizuar dhe kritikuar ashpër në Gjermani për shkak të pozicionit të tij në Gazprom, dhe lidhjeve të ngushta me Rusinë.