Gjykata Themelore në Prishtinë ka caktuar masën 30 ditë paraburgim ndaj të pandehurve D.RR, G.S, B.S, F.S, M.S dhe M.R, pasi dyshohet se kanë trafikuar dhe dhunuar seksualisht 11-vjeçaren.

Ata dyshohet se në qershor kanë abuzuar seksualisht me të miturën e cila dyshohet se një javë më parë është dhunuar seksualisht nga pesë persona të tjerë në Prishtinë, e të cilët po ashtu janë në paraburgim.

Rasti i përdhunimit të 11-vjeçares tronditi opinionin publik në Kosovë. Sipas informacioneve nga Prokuroria nga pesë të dyshuarit dy janë të mitur.

Për shkak të këtij rasti, drejtori i përgjithshëm i Policisë së Kosovës, Samedin Mehmeti dha dorëheqje nga posti.

Po ashtu ka pasur edhe protesta në Prishtinë dhe Tiranë.