Përmbytjet shkatërrimtare në Pakistan, situata pritet të përkeqësohet edhe më tej!

vovalbania September 04, 2022 0 koment 1 Mund të lexoni në minuta.
Përmbytjet shkatërrimtare në Pakistan, situata pritet të përkeqësohet edhe më tej!

Pakistani paralajmëron se më shumë përmbytje mund të godasin zonën përreth liqenit jugor Manchar, i cili vazhdon të fryhet nga shirat e dendura monsune që kanë përfshirë vendin që nga qershori.

Zyrtarët thanë më 4 shtator se numri i të vdekurve nga përmbytjet ka arritur në 1.300.

Meteprologët parashikojnë më shumë shi në ditët në vijim në zonën e liqenit Manchar dhe u kanë kërkuar banorëve të dy rretheve të provincës Sindh që të evakuohen.

Liqeni Manchar është liqeni më i madh natyror me ujë të ëmbël në Pakistan dhe ndër më të mëdhenjtë në Azi.

Shirat e dendura monsune dhe shkrirja e akullnajave në malet veriore kanë sjellë përmbytje në Pakistan, të cilat kanë prekur 33 milionë njerëz – apo 15 për qind e popullsisë prej 220 milionë banorësh.

“Shkalla e shkatërrimit është masive dhe kërkon një përgjigje të madhe humanitare”, tha ministri i Planifikimit, Ahsan Iqbal më 3 shtator.

Në fillim të këtij muaji, Pakistani dhe Kombet e Bashkuara kanë bërë thirrje për 160 milionë dollarë për të ndihmuar për “këtë fatkeqësi të paprecedent klimatike”. Ndërkaq, OBSH-ja ka thënë se mbi 6.4 milionë persona kanë nevojë për ndihmë urgjente humanitare.

Zyrtarët pakistanezë kanë thënë se do të duhen të paktën 10 miliardë dollarë dhe shumë vite që vendi të rimëkëmbet nga fatkeqësia.

Biletë:

vovalbania

Redaktori nuk ka dhënë ende asnjë informacion për veten e tij.

Total 45420 ka shpërndarë postimin.
MEDIAT SOCIALE