Fansat nuk i ndalën komentet pasi panë këngëtarin Harry Styles duke pështyrë Chris Pine teksa zuri një vend pranë tij në Festivalin e Filmit në Venecia. Styles shkaktoi bujë pasi dyshohet se iu afrua karrikes së tij dhe pështyu në prehrin e aktorit përpara të dashurës së tij, Olivia Wilde. Së fundmi, ka reaguar një përfaqësues i Chris Pine i cili ka hedhur poshtë aludimet se Harry e ka pështyrë. Përfaqësuesi tha se:

Kjo është një histori qesharake, një trillim i plotë dhe rezultat i një iluzioni të çuditshëm në internet që është qartësisht mashtrues dhe lejon spekulime të marra. Për të qenë i qartë, Harry Styles nuk e pështyu Chris Pine. Nuk ka asgjë tjetër veç respektit mes këtyre dy burrave dhe çdo sugjerim ndryshe është një përpjekje e hapur për të krijuar dramë që thjesht nuk ekziston.

Pasi Styles dukej në video sikur pështyu drejt Pine, Chris ngriu në mes të duartrokitjes dhe i nguli sytë në prehër përpara se të buzëqeshte disi i tronditur. Sapo ish-anëtari i One Direction u ul, ai shikoi kudo përveç Pine, duke u dhënë fansave më shumë arsye për të besuar në ‘sulmin e supozuar’.

Rikujtojmë gjithashtu se Harry Styles puthi aktorin Nick Kroll, teksa filmi i tyre “Don’t Worry Darling” mori duartrokitje prej katër minutash në Festivalin e Filmit në Venecia të hënën. Këngëtari i dha një puthje aktorit ndërsa të ftuarit duartrokitën me mirësjellje për filmin, pavarësisht se ai u kritikua nga kritikët.