Së fundmi, aktorja e njohur Anna Kendrick ka folur për një abuzim emocional dhe psikologjik që ka përjetuar në një marrëdhënie në të shkuarën. 37-vjeçarja e gjeti veten në një situatë ku e donte dhe i besonte më shumë partnerit të asaj kohe sesa vetes së saj. Gjatë një intervistë për ‘People’ ajo tha se:

Pra, kur ai person ju thotë se keni një ndjenjë të shtrembëruar të realitetit dhe se jeni të pamundur dhe se të gjitha gjërat që mendoni se po ndodhin nuk po ndodhin, jeta juaj bëhet vërtet konfuze shumë shpejt.

Ajo e quajti rikuperimin detyrën më të vështirë të jetës së saj. Pavarësisht se zbuloi se gjithçka që ajo mendonte se po ndodhte në fakt po ndodhte, shërimi i Kendrick ka qenë shumë sfidues për të.

Trupi im ende beson se ishte faji im … edhe në këtë pikë.

Rikujtojmë, se Kendrick u tërhoq nga filmi i saj i ardhshëm “Alice, Darling” për shkak të përvojës së ngjashme të personazhit kryesor Alice me partnerin Simon, të luajtur nga Charlie Carrick. Edhe pse Kendrick e ka mbajtur private jetën e saj me kalimin e viteve, dihet se ajo ishte në një lidhje me kineastin Ben Richardson nga viti 2014 deri në 2020-ën përpara se të lidhej me komedianin Bill Hader, me të cilin i dha fund në qershor.