Shpërndarja e artikujve në mediat sociale i bën njerëzit të mendojnë se dinë më shumë për temat e artikujve sesa në të vërtetë, sipas një studimi të ri nga Universiteti i Teksasit në Austin. Sipas mediave të huaja, shpërndarja e një artikulli lajmesh, për shembull, mund t’i bëjë njerëzit të mendojnë se dinë më shumë për temën.

Kjo vlen edhe nëse nuk e kanë lexuar ose i kanë hedhur një sy titullit, thotë studimi. Sipas këtij kërkimi dalim në konkluzionin se ndarja mund të krijojë këtë rritje të besimit sepse duke vendosur informacionin në internet, shpërndarësit angazhohen publikisht për një identitet eksperti.

Me të bërë këtë, ata formësojnë ndjenjën e tyre për veten, duke i ndihmuar ata të ndihen po aq të ditur sa i bën ata të duken nga postimi i tyre. Studimi, i publikuar në internet paraprakisht në ‘Journal of Consumers Psychology’, përfshin të dhëna nga Instituti Reuters për Studimin e Gazetarisë.

Rikujtojmë se, analistët e grupit Bernstein Research krahasojnë sot rrjetin social të videove TikTok me një varësi të vërtetë nga drogat, duke paralajmëruar për një “epidemi digjitale” teksa konkurrenca rritet në sektorin teknologjik. Në raportin e tyre ata kanë shkruar se TikTok ka zëvendësuar hezitimin e përdoruesit për atë që dëshiron të shohë, me një mori videosh të shkurtra që menaxhohen nga një algoritëm i fuqishëm kinez.

Në titullin e artikullit theksohej “A po shkatërron TikTok Internetin?”, sipas Business Insider. Algoritmi sjell te përdoruesit përmbajtjet më virale, në mënyrë të ngjashme me ngarkesën hormonale të drogave, me çdo të kaluar të gishtit.