Margot Robbie është parë me lot në sy pasi ka dalë nga shtëpia e mikeshës së saj, Cara Delevigne. Në fotot e publikuara nga Daily Mail të mërkurën, ylli 32-vjeçar i “Barbie” mund të shihet duke fshirë lotët teksa po udhëtonte për në Aeroportin Ndërkombëtar të Los Angeles.

Modelja Delevigne mori vëmendje nga mediat pasi disa foto ku shihej në gjendje jo të mirë mendore bënë xhiron e rrjetit. Poppy Delevingne, motra e modeles, thuhet gjithashtu se ka vizituar shtëpinë e saj dhe është larguar më pas me një SUV të zi.

Fluturimet e Robbie dhe Poppy ndodhën një javë pasi sjellja e çuditshme e yllit të “Paper Towns ” në aeroportin Van Nuys ngriti dyshime, megjithëse nuk dihet nëse Cara, 30 vjeç, ishte në shtëpi për secilën nga vizitat. Më 5 shtator, Cara u pa duke varur këmbët e saj me çorape nga dritarja e pasme e një makine.

Ajo mbërriti me dy orë vonesë për një fluturim me avionin privat ndërsa bënte sjellje të çuditshme teksa fliste në telefon.