Sipas një prej yjeve të “The Crown”, aktorit Matt Smith, Mbretëresha Elizabeth II e cila u nda nga jeta më 8 shtator në moshën 96-vjeçare, ka parë dramën e Netflix për familjen mbretërore. Aktori britanik, i cili luante rolin e princit të ndjerë Philip në serialet televizive, foli për zakonet e saj.

Aktori 39-vjeçar i “House of the Dragon” tha gjatë një daljeje të së enjtes në emisionin “Today” se:

Kam dëgjuar që mbretëresha e kishte parë. Me sa duket, ajo e shihte atë në një projektor të dielën në mbrëmje.

Ndërsa Duka i Edinburgut, i cili u nda nga jeta në prill të vitit të kaluar në moshën 99-vjeçare, nuk e pa serialin, sipas Smith.

Unë e di që Philip definitivisht nuk e bëri. Shoku im u ul pranë tij në një darkë dhe e pyeti. Shoku im tha “Nuk mund të rezistoj. A e ke parë “The Crown”?” Dhe pastaj Filip u kthye dhe i tha: “Mos u bëj qesharak”.

Smith kujtoi gjithashtu një moment kur u takua me Princin Harry në një mbledhje dhe ish-princi bëri një shaka me të.

Harry më thirri gjysh. Nuk mund të pretendoj se e di nëse ai shikon ‘The Crown” aktualisht, por ai mesa duket e paska parë pak atëherë.

Në një intervistë të mëparshme, Harry pranoi se kishte parë disa nga shfaqjet me gruan e tij, Meghan Markle. Duka 38-vjeçar i Sussex-it vizitoi “The Late Late Show With James Corden” në shkurt 2021 dhe komentoi se sa disi fiktiv ishte shfaqja.

Është e bazuar lirshëm në të vërtetën. Sigurisht, nuk është plotësisht e saktë… Të jep një ide të përafërt se çfarë stili jetese, çfarë presionesh për të vënë detyrën dhe shërbimin mbi familjen dhe gjithçka tjetër, çfarë mund të vijë nga kjo.