Aktorja e njohur Lena Headey, e cila njihet për rolin e saj në “Game of Thrones”, ka kurorëzuar dashurinë e saj në martesë me aktorin Marc Menchaca. Ata organizuan një ceremoni private në Puglia në Itali më 6 tetor, për t’i thënë “Po” njëri-tjetrit. Në ceremoni morën pjesë disa nga koleget e saj në “Game of Thrones”, përfshirë Peter Dinklage, Nikolaj Coster-Waldau, Emila Clarke, Sophie Turner me bashkëshortin Joe Jonas dhe Conleth Hill.

Aktorja kishte zgjedhur një fustan të bardhë të thjeshtë ndërsa dhëndri mbante veshur një kostum blu. Rikujtojmë se aktorja ka qenë e martuar me Peter Paul Loughran, me të cilin u nda pas gjashtë vitesh. Ish-çifti ka një djalë 11 vjeç. Në 2015, ajo mirëpriti vajzën Teddy me të dashurin regjisor Dan Cadan, një shok fëmijërie, por çifti u nda në 2018, dy vjet para se ajo të fillonte lidhjen e saj me Menchaca.