Zëvendësministri i Jashtëm rus Sergei Ryabkov ka paralajmëruar se Moska mund të marrë kundërmasa kundër Shteteve të Bashkuara dhe aleatëve të saj europianë për shkak të përfshirjes të tyre në konfliktin në Ukrainë, sipas agjencisë shtetërore të lajmeve RIA Novosti, shkruan CNN.

“Rusia do të detyrohet të marrë kundërmasa adekuate, duke përfshirë ato të një natyre asimetrike”, tha Ryabkov, sipas RIA.

“Është e qartë se një konfrontim i drejtpërdrejtë me SHBA-në dhe NATO-n nuk është në interesin e Rusisë. Ne shpresojmë që Uashingtoni dhe kryeqytetet e tjera perëndimore të kuptojnë rrezikun e një përshkallëzimi.”

Të hënën, Shtetet e Bashkuara dhe aleatët e saj europianë dënuan ashpër sulmet ajrore ruse që goditën Kievin dhe qytetet e tjera të mëdha të Ukrainës.

Në një telefonatë me presidentin ukrainas Volodymyr Zelensky, Presidenti i SHBA-së Joe Biden u zotua se do të vazhdojë të ndihmojë Ukrainën me armë, duke përfshirë sistemet e avancuara të mbrojtjes ajrore.

Presidentja e Parlamentit Europian Roberta Metsola tha për CNN të hënën se Bashkimi EUropian duhet të bëjë më shumë për të ndihmuar Ukrainën në dritën e përshkallëzimit të Rusisë, duke ofruar më shumë pajisje ushtarake.