Aktorja e njohur Leah Messer dhe partneri i saj, Jaylan Mobley i kanë dhënë fund lidhjes së tyre, dy muaj pas fejesës. Ylli i “Teen Mom” dhe i fejuari i saj njoftuan lajmin në postime të veçanta në Instagram, ndërsa shprehën mirënjohjen për momentet e mira që kishin kaluar bashkë.

Ndërsa viti i kaluar ka qenë jashtëzakonisht emocionues për të dy ne, ne kemi kuptuar se është më mirë të ecim në rrugë të ndara. Ne jemi shumë mirënjohës për mësimet, rritjen dhe kujtimet që kemi pasur në këtë marrëdhënie. Shumë prej jush e keni parë historinë tonë të dashurisë të shpaloset dhe shpresojmë që do të vazhdoni të shikoni historitë tona ndërkohë që ne ecim përpara si miq. Ne do të kemi përgjithmonë dashuri dhe respekt për njëri-tjetrin dhe kërkojmë privatësi ndërsa rifokusohemi dhe kalojmë së bashku nga ky kapitull.

Dyshja njoftuan fejesën e tyre në një postim në Instagram në muajin gusht. Messer ishte e martuar më parë me Jeremy Calvert nga 2012 deri në 2015 dhe me Corey Simms nga 2010 deri në 2011. Ajo ka dy vajza, binjakët 12-vjeçare Aliannah dhe Aleeah, me Sims dhe një vajzë tjetër, Adalynn 9-vjeçare, me Calvert.

Messer tha për ‘People’ pas fejesës se vajzat e saj shikojnë Mobley si ‘një tjetër figurë babai në jetën e tyre’. Mobley dhe Messer e zyrtarizuan lidhjen e tyre në Instagram në shtator të vitit të kaluar. Aktorja e njohur aktualisht luan në “Teen Mom: The Next Chapter” i cili është në sezonin e parë. Shfaqja u dha premierë më 6 shtator.