Së fundmi, këngëtarja e njohur Billie Eilish është parë në shoqërinë e këngëtarit Jesse Rutherford. Dyshja u shfaqën me njëri-tjetrin në dy raste të ndryshme, një herë në darkë dhe një herë në ‘Halloween Horror Nights’ në Universal Studios. Pop Crave për foton e çiftit të shkrepur nga fansat shkruajti në Twitter se:

Billie Eilish dhe Jesse Rutherford u panë së bashku në një restorant.

Billie Eilish and Jesse Rutherford spotted at a restaurant together. pic.twitter.com/0jAjX8pynT

— Pop Crave (@PopCrave) October 16, 2022

Fotografia tregon artistët duke shijuar darkën në një restorant në zonën e Los Angelesit. Andrew Axelband, i cili po darkonte gjithashtu në Crossroads Kitchen, ka thënë për ‘Entertainment Tonigh’t se dyshja darkuan për orë të tëra dhe dukeshin të lumtur së bashku.

Billie dhe Jesse hëngrën darkë në Crossroads Kitchen në West Hollywood, Kaliforni në orën 20:30. Ata qëndruan atje për tre orë. Ata hëngrën makarona dhe pjata të tjera. Gjatë darkës së tyre, Billie preku në pjesën e pasme të kokës së Jesse për një kohë të gjatë, ai e puthi atë në faqe dhe të dy u puthën në buzë. Ata nuk u ngritën fare nga tavolina e tyre gjatë vaktit dhe ishin të fokusuar tek njëri-tjetri.

Ndërsa as Eilish dhe as Rutherford nuk i kanë komentuar thashethemet për romancë, një foto e rishfaqur e Eilish dhe këngëtarit të “Sweater Weather” nga viti 2017 tregon se të dy janë miq prej disa kohësh. Edhe pse nuk ka folur publikisht për jetën e saj të dashurisë, këngëtarja e “Happier Than Ever” së fundmi ka qenë e lidhur me reperin Brandon “Q” Adams dhe aktorin Matthew Tyler Vorce.

Rikujtojmë, se një fans i këngëtares me famë botërore, ka nxjerrë në shitje ajrin nga një prej koncerteve të saj. Adhuruesi nga Singapori mbushi një qese të vogël me ajër, duke e nxjerrë në shitje për më shumë se 15 mijë dollarë. Shitësi anonim e përshkruan artikullin si “shumë të rrallë”. Ai thotë se artikulli do të “mbahej në një enë hermetike pas marrjes për të parandaluar rrjedhjen”.