Gjendet i vrarë një 34 vjeçar në Fushë-Krujë, kishte plagë me armë zjarri në këmbë
vovalbania
October 21, 2022
0 koment
1 Mund të lexoni në minuta.
Trupi i pajetë i një personi është gjetur në një rrugë dytësore në lagjen “Bakishe Visha” në Fushë-Krujë. Ishin disa familjarë të tij që e gjetën viktimën sot në mëngjes në një kanal
Policia tha se trupi i pajetë i 34-vjeçarit, të identifikuar si I.N., është gjetur rreth orës 8:20 të mëngjesit. “Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri”, tha policia.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.