Zlatan Ibrahimovic është bashkuar me fituesen e çmimit Oscar, aktoren Jane Fonda, për një reklamë të re veshjesh sportive të ‘H&M’ dhe videoja e postuar tregon Jane duke e sfiduar atë në një orë gjimnastike. Në video, futbollisti bëhet nxënës i Jane Fonda-s dhe ndjek orën e saj të gjimnastikës, për të cilën aktorja në fakt u bë e famshme gjatë viteve ’80.

‘H&M Moves’ ka njoftuar bashkëpunimin me Zlatan Ibrahimovic në misionin e tyre për të bërë “të gjithë botën dhe të gjithë njerëzit” të stërviten dhe thotë se Zlatan ka nisur një angazhim afatgjatë si ‘Global Brand Mover’ për ‘H&M’. Në faqen e saj të internetit, marka shpreh entuziazëm të madh për përfshirjen e futbollistit suedez në ekipin e saj të ‘Global Movers’.

Nga video e postuar, duket mjaft argëtuese teksa sheh një futbollist si Zlatan duke i mësuar ushtrimet e fitnesit nga një 84-vjeçare. Në videon e xhiruar në një dhomë hoteli luksoz, Ibrahimovic shfaqet me veshje sportive të gjigantit suedez të modës, duke promovuar kështu linjën e re ‘H&M Move’, e krijuar në bashkëpunim me Fonda për gamën më të gjerë të aktiviteteve fizike.

Diva e Hollywood-it telefonon futbollistin, duke e sfiduar të praktikojë dhe të bëjë nxehjen. Sulmuesi i Milanit nuk heziton t’i tregojë trajneres se çfarë është i aftë të bëjë. Pasi futbollisti demonstron aftësitë e tij dhe duron stërvitjen e saj kërkuese, Fonda dëgjohet teksa i thotë:

Jo keq për dikë në moshën tënde…

Fytyra e Zlatan Ibrahimovicit jo vetëm në reklama të ndryshme, por edhe në ekranin e madh të kinemasë. Kampioni suedez i Milanit do të shfaqet në fakt si një nga protagonistët e filmit të ri kushtuar Asterix dhe Obelix. Në kastin e aktorëve bashkë me Ibrën do të jetë edhe Vincent Cassel dhe Marion Cotillard, të cilët do të luajnë dy nga romakët e lashtë që kanë qenë gjithmonë armiq të dyshes galike.