Britney Spears u rikthye në Instagram të dielën me një pozë topless, vetëm 10 ditë pasi çaktivizoi llogarinë e saj. Këngëtarja fituese e Grammy-t, 40 vjeçe, e cila ka 41.9 milionë ndjekës në platformë, shkroi:

Rose është dy vjeç, por po sikur koha të jetë një iluzion?! Sot po mbaj të njëjtin gjerdan që mbaj këtu!

Në pamje, artistja kapi gjoksin në duar ndërsa ishte përballë kamerës me flokët e saj bionde poshtë. Ajo kishte veshur pantallona të shkurtra xhins dhe aksesorë me varëse të shumta në imazh. Postimi mori një sërë përgjigjesh nga ndjekësit e këngëtares, pasi ata kërkuan të deshifronin se çfarë donte të thoshte Britney në postimin e saj dhe se kujti referohej si Rose.

Spears më herët iu referua Rose në një postim në të cilin ajo pozonte me një bluzë të kuqe ndërsa mbante një trëndafil në dorë. “Mendoj se ajo po përpiqet të thotë, se ndihet ende e kontrolluar, edhe pas dy vitesh, dhe drejtësia nuk po ecën përpara…”, ka shkruar një përdorues.

Kjo është ajo që po lexoj… Shpresoj që ajo të jetë mire. Shpresoj që ajo të bëjë atë që do dhe të jetë e lumtur. Asgjë më shumë.

Kjo nuk është hera e parë që Britney Spears pozon në foto të guximshme. Britney ndau një seri fotosh shumë të egra me 42 milionë ndjekësit e saj në Instagram. Sensacioni i pop-it, 40-vjeç, u pa krejtësisht nudo teksa dëfrehej në një plazh publik në Hawaii para pushuesve, me duar që mbulonin gjoksin dhe një emoji zemre që mbulonte pjesët intime të saj.