“Maxim Australia” ka publikuar listën e përvitshme ‘Hot 100’ për vitin 2022, në të cilën përfshihen gratë më të suksesshme dhe të bukura në industrinë e argëtimit, në sport dhe në kulturën pop. Teksa këtë vit në të ndodhen shumë emra të parashikueshëm, disa prej tyre janë befasues.

Në krye të listës është aktorja Margot Robbie, e cila po vazhdon suksesin e saj në Hollywood dhe “Babylon” është filmi i saj më i ri. Kjo është hera e tretë që 32-vjeçarja ndodhet në krye të ‘Hot 100’ së bashku me disa prej emrave më të famshëm në showbiz.

Prezantuesja dhe personaliteti televiziv australian, Abbie Chatfield, ka befasuar duke u ngritur në vendin e 10-të, teksa vitin e kaluar ishte në vend të 70-të. Më poshtë mund të shihni dhe listën e plotë.

Jeta e një aktori apo aktoreje të suksesshme e parë nga jashtë mund të duket e gjitha magjepsëse, pasi ne shohim vetëm rezultatin përfundimtar. Megjithatë, xhirimet e filmave mbajnë një mori sekretesh që zbulojnë një të vërtetë që është më e ndërlikuar. Ne nuk marrim shpesh një paraqitje të shkurtër të kësaj pjese të zanatit të një aktori, por herë pas here, qoftë në pamjet e prapaskenave, qoftë në intervista, profesionistët hapen për atë që po ndodh dhe na lejojnë të kemi pak njohuri në punën e fshehtë të Hollywood-it.

Kjo është pikërisht ajo që Margot Robbie bëri së fundmi në ‘The Tonight Show with Jimmy Fallon’, ku foli për xhirimet e filmit të saj të ardhshëm të madh, ‘Barbie’. Ajo tregoi disa anekdota se si ka qenë të luash këtë personazh dhe gjithashtu ta bësh këtë dorë për dore me një aktor tjetër të madh, si Ryan Gosling. Ishte një intervistë shumë qesharake ku mësuam gjithashtu se cili ka qenë për Robbie momenti më i sikletshëm dhe poshtërues i karrierës së saj në xhirime.