Lëreni Naomi Campbell-in që të admirohet si një vepër arti, edhe kur e gjen veten në një muze, e rrethuar nga vepra arti të mirëfillta. Së fundmi ajo tërhoqi vëmendjen e të gjithëve në hapjen e “Forever Valentino”, një ekspozitë e mbajtur në qendrën e artit M7 në Doha, Katar.

Ekspozita i bën homazhe Valentino Garavani-t për nder të ditëlindjes së 90-të të themeluesit të shtëpisë së modës, në fillim të këtij viti. Koleksioni prej mbi 200 pjesësh e bën ekspozitën më të madhen për markën deri më sot, si dhe të parën në Lindjen e Mesme.

Çuditërisht, të pranishmit e ngjarjes hapëse i bënë homazhe koleksioneve të fundit të Valentino-s dhe Pierpaolo Piccioli-t, duke veshur një pjesë të madhe të markës PP Pink të tij. Gjithsesi, ishte Campbell ajo që u kthye padyshim në mbretëreshën e mbrëmjes.

Supermodelja 52-vjeçare dukej e mahnitshme e veshur me një fustan ngjyrë rozë, teksa la me gojë hapur të pranishmit me atë që kishte vënë në kokë teksa ecte në tapetin e kuq. Veçanërisht ky fustan ka marrë shumë vëmendje kohët e fundit, pasi pamja sapo u rikrijua në ngjyrë të kuqe për sezonin e dytë të ardhshëm të “And Just Like That“.

Piccioli bëri fustanin me porosi për personazhin e Nicole Ari Parker, Lisa Todd Wexley dhe madje ofroi një zbukurim koke të ngjashme për t’u përshtatur. Deri më tani, supozohet se fustani do të luajë një rol të rëndësishëm në Met Gala.