Së fundmi Maserati u bashkua me kompaninë Mattel për të krijuar Grecale Barbie Edition përmes programit të tij Fuoriserie. Do të prodhohen vetëm dy kopje dhe i pari tashmë është publikuar. Siç mund ta prisni, ai është i gjithi rozë megjithatë, kur makina është e ekspozuar ndaj diellit, një efekt ylber është i dukshëm.

Grecale ka detaje të verdha rreth grilës së radiatorit, në kapakun e motorit dhe logon e tij në pjesën qendrore të rimave. Një shkronjë e veçantë “B” e Barbie zbukuron shtyllën C. Pjesa e brendshme është e veshur me lëkurë të zezë me fije rozë në kontrast, ashtu si detajet e tjera në të njëjtën ngjyrë. Distinktivi “B” i Barbie është në mbështetësen e kokës. Grecale është estetikisht mbresëlënës, por gjithashtu ka performancë të shkëlqyer sepse në fakt është një model Trofeo i fuqizuar nga motori 3.0 litërsh V6 Nettuno i Maserati.

Ky motor prodhon 523 kuaj/fuqi dhe 620 Nm çift rrotullues. Shembulli i parë i modelit Barbie Grecale u prezantua në Los Anxhelos dhe 10% e shumës së akorduar nga pronari i ri do të shkojë për projektin ‘Barbie Dream Gap’. Makina vlerësohet të jetë 330 mijë dollarë dhe një kopje e dytë do të arrijë vitin e ardhshëm.

Ndërkaq, teksa publiku pret modelet e ardhshme Grecale dhe GranTurismo Folgore BEV të Maserati-t, prodhuesi i makinave luksoze italiane është duke punuar shumë për një model të tretë tërësisht elektrik, GranCabrio. Maserati publikoi së fundmi disa imazhe të këtij prototipi të konvertueshëm tërësisht elektrik përpara publikimit të tij diku vitin e ardhshëm.