Aktorja e njohur, Gemma Arterton ka konfirmuar se është në pritje të fëmijës së saj të parë me bashkëshortin Rory Keenan. Pasi filluan të qarkullojnë thashethemet se ajo ishte shtatzënë, 36-vjeçarja e bëri njoftimin duke shfaqur barkun e rrumbullakosur në ceremoninë e ndarjes së çmimeve në Festivalit të Filmit Raindance.

Aktorja, e cila u martua me yllin e ‘Peaky Blinders’, Rory, në një ceremoni sekrete në vitin 2019 tha në intervistat e mëparshme se nuk ishte e sigurt për të pasur fëmijë.

Unë nuk mendoj se ju mund të planifikoni ndonjëherë kohën e duhur dhe të saktë. Nuk ndihem gati për fëmijë sepse dua të di se mund të kthehem dhe të jem ende e vlefshme për industrinë. Kjo do të ndodhë vetëm kur të ndihem pak më e realizuar… ose të paktën kur të kem arritur diçka për të cilën jam krenare.