Arabia Saudite ka shkaktuar surprizën e parë të madhe të Botërorit, duke mundur Argjentinën me rezultatin 2-1.

Leo Messi shënoi i pari me 11-metërsh, që u fitua nga Paredes. Më pas, dy gola të anuluar për pozicion jashtë loje për Argjentinën, e cila u shua, duke i lënë terren sauditëve.

Pjesa e dytë nisi me golin e barazimit të Al Shehri, i cili goditi me të majtën duke mposhtur portierin argjetinas.

Por, perla erdhi 5 minuta më vonë, me Al Dawsarin që me të djathtën shënoi një gol fantastik, të ngjashëm me ato që jemi mësuar t’i bëjë Messi.

90+8’ Mbyllet ndeshja e parë e grupit C me surprizën e madhe të Arabisë Saudite, që fitoi 1-2 me përmbysje kundër Argjentinës.

Pasó Mondial
Pas një sezoni super të suksesshëm në Pasó’ Euro 2020, Top Albania Radio vjen me një mbulim 360° të Kampionatit Botëror të Futbollit Katar 2022. Me analiza, informacione, të ftuar specialistë të futbollit, personazhe VIP dhe tifozë, si edhe situata gazmore për të përcjellë një atosmferë energjike në radio dhe për të vazhduar traditën e informacionit sportiv live në valët e radios më të dëgjuar shqiptare në botë.

Glent Nallbani, Edi Manushi, Redi Jupi, Lorenc Jemini dhe Gëzim Sinemati mendojnë për të gjithë ju dashamirës të futbollit duke ardhur me një emision të dedikuar plotësisht Botërorit të parë dimëror në histori. Pasó Mondial, një program sportiv prej 60 minutash, duke filluar nga 21 Nëntori, çdo ditë ora 14:00 në Top Albania Radio!