Sulmet ruse në Ukrainë, të gjithë termocentralet bërthamorë duhen kontrolluar!

vovalbania November 25, 2022 0 koment 1 Mund të lexoni në minuta.
Sulmet ruse në Ukrainë, të gjithë termocentralet bërthamorë duhen kontrolluar!

Termocentralet bërthamore të Ukrainës janë të gjitha për t’u inspektuar nga vëzhguesit ndërkombëtarë, thotë Agjencia Ndërkombëtare e Energjisë Atomike (IAEA), ndërsa shqetësimet rriten për aksidentet mes sulmeve të përsëritura ajrore ruse që synojnë infrastrukturën energjetike të vendit.

Drejtori i IAEA-së, Rafael Grossi tha se stafi i agjencisë së tij do të vizitojë objektet ukrainase në Khmelnytskyi dhe Rivne, si dhe në objektin e braktisur të Çernobilit.

Po bëhen përgatitjet dhe së shpejti do të shkojnë inspektorët.

Frika për sigurinë bërthamore ka qenë në rritje pasi sulmet e fundit ruse shënjestruan linjat e energjisë dhe gjeneratorët. Inspektorët ka të ngjarë të fokusohen në sistemet teknike dhe planet e emergjencës në objekte. Inspektorët janë tashmë në Zaporizhia, e cila është në një zonë nën kontrollin rus.

Pas sulmeve ajrore ruse që goditën Ukrainën, në shumicën e qyteteve u rikthye energjia elektrike, përveçse në kryeqytet. Kievi mbetet ende me furnizim të kufizuar. Kryebashkiaku Vitali Klitschko informoi se 60% e qytetit ende nuk ka energji. Ai shtoi se prioritet mbeten furnizimi me ujë e transporti publik.

Me ftesë të Gjermanisë, vendet e G7-ës mblidhen javën e ardhshme në kryeqytetin rumun Bukuresht. Në fokus, mbështetja për furnizim me energji elektrike për Ukrainën. Sulmet ajrore ruse në infrastrukturën ukrainase, kryediplomatja gjermane, Annalena Baerbock, i quajti “krim të patolerueshëm e çnjerëzor”.

Sekretari i Përgjithshëm i NATO-s, Jens Stoltenberg, sot u zotua se Aleanca Veri-Atlantike do të ndihmojë Ukrainën të mbrohet në luftën kundër Rusisë për aq kohë sa të ketë nevojë. Gjithashtu, tha se NATO do të ndihmojë vendin e shkatërruar nga lufta t’i transformojë forcat e armatosura në një ushtri moderne, sipas standardeve perëndimore.

Biletë:

vovalbania

Redaktori nuk ka dhënë ende asnjë informacion për veten e tij.

Total 45307 ka shpërndarë postimin.
MEDIAT SOCIALE