Berisha u sulmua fizikisht, reagon ambasada e SHBA: U skandalizuam, autoritetet të hetojnë

vovalbania December 06, 2022 0 koment 1 Mund të lexoni në minuta.
Berisha u sulmua fizikisht, reagon ambasada e SHBA: U skandalizuam, autoritetet të hetojnë

Një zëdhënës i Ambasadës së Shteteve të Bashkuara në Tirana ka reaguar lidhur me incidentin në protestën e PD-së, ku u sulmua fizikisht ish-kryeministri Sali Berisha.

“U skandalizuam nga sulmi fizik sot ndaj një anëtari të parlamentit dhe presim që autoritetet ta hetojnë plotësisht incidentin. Askush nuk duhet sulmuar sepse ushtron lirinë e fjalës në përputhje me ligjin”- ka thënë zëdhënësi i ambasadës.

Një person i identifikuar me emrin Gent Shehu, sulmoi sot ish-kryeministrin Sali Berisha, ndërsa kishte dalë nga selia e partisë dhe po ecte, së bashku me Ilir Metën drejt bulevardit qendror të Tiranës, ku po organizohej protesta. Agresori iu afrua dhe e goditi me grusht në fytyrë. Goditja duket se ishte e fortë, saqë Berisha u lëkund pas duke humbur ekuilibrin, ndërsa autori u bllokua menjëherë nga rojet e ish kryeministrit dhe përkrahësit e tjerë të opozitës që gjendeshin aty, të cilët reaguan në mënyrë të dhunshme ndaj tij. Më pas ai u mor nga forcat e policisë dhe aktualisht ndodhet në Spitalin e Traumës.

Biletë:

vovalbania

Redaktori nuk ka dhënë ende asnjë informacion për veten e tij.

Total 45422 ka shpërndarë postimin.
MEDIAT SOCIALE