Volkswagen do të investojë 460 milionë euro deri në fillim të vitit 2025 në fabrikën e tij në Wolfsburg, me shumicën e fondeve që do të shpenzohen për prodhimin e modelit elektrik ID.3. Pasi të fillojë prodhimi i plotë i makinës kompakte, i cili pritet deri në vitin 2025, një model shtesë plotësisht elektrik në segmentin SUV do të prodhohet në Wolfsburg në platformën MEB, një platformë vetëm elektrike e përdorur që nga viti 2019.

Kompleti i drejtimit elektrik, i cili përfshin strukturën dhe dizajnin e një automjeti, tani po përshtatet në një version të ri, i cili do të quhet MEB+ dhe do të mundësojë kohë më të shpejta karikimi dhe distanca më të gjata. Riparimi i vendeve të prodhimit në Wolfsburg, që punësojnë rreth 60,000 punëtorë që prodhojnë modele duke përfshirë Golfin, Tiguan dhe Touran, për të prodhuar automjete elektrike ka qenë në krye të agjendës për këshillin e punëtorëve mes frikës se uzina mund të humbasë rëndësinë në kalimin në lëvizshmëri elektrike.

Oliver Blume, drejtori ekzekutiv i Porsche, tanimë edhe drejtori i ri ekzekutiv i Volkswagen, pasi Herbert Diess u largua nga ky post, ka paralajmëruar se dëshiron të ruaj ritmin e kësaj kompani, pra atë drejt elektrifikimit. Drejtori i ri i VW ka vënë re se ky prodhues i makinave do të duhej të gjej ritmin e duhur, ku të jetë lider në fushën e elektrifikimit të makinave. Siç raporton Reuters, Blume gjatë takimit me bordin menaxhues të VW në Lisbonë, ka thënë se dëshiron ta ruaj këtë ritëm dhe ta rrisë aty ku e sheh se ka rënë.