Një grup prej 165 personash nga një fshat belg kanë fituar kolektivisht më shumë se 143 milionë euro në lotarinë EuroMillions. Banorët nga Olmen, në provincën Antwerp, paguanin në mënyrë të barabartë për të blerë bileta te shitësi i tyre lokal i gazetave. Secili prej tyre fitoi rreth 868,000 €, sipas Lotarisë Kombëtare Belge.

EuroMillions tha se xhekpoti përfundimtar ishte 142,897,164 €. Joke Vermoere, një zëdhënës i Lotarisë Kombëtare, tha se sukseset e grupit nuk ishin të rralla në Belgjikë, por kjo ishte fitorja më e madhe në grup ndonjëherë. Vermoere ishte në dyqanin e gazetave kur disa nga fituesit dëgjuan lajmin. Ajo e përshkroi fitoren si dhurata më e mirë e Krishtlindjes.

Pronari i shitësit të gazetave, i cili ka organizuar lotari të ngjashme grupore për disa vite, tha se duhej ta përsëriste lajmin pesë deri në gjashtë herë pasi klientët e tij nuk mund ta besonin se kishin fituar. Identiteti i fituesve nuk është bërë i ditur. Ky nuk është xhekpoti më i madh i EuroMillions ndonjëherë, një lojtar i vetëm nga Britania e Madhe fitoi 195 milion £ në korrik.

Muaj më parë, një çift britanik nga Gloucester fitoi 184 milionë paund. Xhekpoti i EuroMillions organizohet në nëntë vende evropiane si Belgjikë, Francë, Britani e Madhe, Spanjë, Portugali, Irlandë, Austri, Zvicër dhe Luksemburg. Numrat fitues për të martën ishin 12, 20, 25, 26 dhe 27, me Yjet me fat 8 dhe 12.

Rikujtojmë, se një çift në Angli fituan plot 184 milionë paund apo 228 milionë dollarë, në një lotari të përjavshme, duke siguruar shumën më të lartë të fituar ndonjëherë në një lojë fati dhe duke thyer çdo rekord në Britaninë e Madhe. Çifti i bashkëshortëve jeton në qytezën e vogël të Cheltenham në Angli. Mediat në Angli thonë se tashmë çifti Thwaite janë më të pasur edhe se vetë Adele, këngëtarja më e pasur e Britanisë së Madhe.