Pablo Zabaleta, ish-lojtar i Argjentinës bën një analizë të detajuar në një bisedë me Chris Bevan në Doha, Katar. Ai analizon skuadrën e tij të zemrës dhe përkrah faktin që Argjentina drjetohet nga emocionet.

Fitimi i këtij turneu përsëri pas triumfeve tona në 1978 dhe 1986 gjithmonë do të thotë shumë për lojtarët tanë dhe tifozët tanë për shkak se sa i rëndësishëm është futbolli për kulturën tonë, por këtë herë mendoj se ne po shohim një dëshpërim për sukses që është i ndryshëm. Ngazëllimi është gjithmonë i madh në shtëpi kur kemi shansin për të fituar ndonjë kompeticion, por arsyeja pse e ndjej kaq shumë edhe këtu është sepse shumë tifozë të Argjentinës kanë ardhur në Katar.

Stadiumet për të gjitha ndeshjet tona kanë qenë tre të katërtat plot me tifozë, duke krijuar një atmosferë të jashtëzakonshme dhe duke u dhënë lojtarëve tanë mbështetje të madhe. Ka qenë si një aventurë e madhe për ta, dhe është e shkëlqyer të shohësh dhe të dëgjosh. Ata jo vetëm që këndojnë dhe kërcejnë për 90 minuta, ata fillojnë një orë para ndeshjes dhe qëndrojnë për aq kohë më pas, dhe thjesht vazhdojnë të bëjnë zhurmë. Ata janë këtu për dy arsye: pjesërisht sepse ecuria jonë e pamposhtur prej 36 ndeshjesh para fillimit të turneut kishte rritur pritshmëritë, por kryesisht sepse është ndoshta mundësia e fundit e Lionel Messit për të fituar Kupën e Botës.

Edhe pjesa tjetër e ekipit e di këtë, natyrisht, ashtu si edhe tifozët. Messi është duke udhëhequr këtë skuadër plot me lojtarë të rinj që kanë përvojën e tyre të parë në këtë turne dhe në çdo foto që e shoh, të gjithë janë pas tij sikur të ishin truprojat e tij. Edhe në fushë, është sikur të gjithë ata po luftojnë për Messin dhe e mbrojnë atë. Nga luajtja me të e di se ai ndjen se duhet të vendosë standardet dhe të udhëheqë me shembull, por e di gjithashtu se sa shumë duhet të shijojë çdo minutë të këtij Botërori, duke e ditur se i ka të gjithë pas vetes. Emocioni është gjithmonë një pjesë e madhe e mënyrës sesi luan Argjentina, por ndjehet sikur po na shtyn më shumë se kurrë në këtë Botëror, me një vend në finale vetëm një hap larg.