Ekipet ndërkombëtare do të dërgohen në të gjitha centralet bërthamore të Ukrainës

vovalbania December 14, 2022 0 koment 1 Mund të lexoni në minuta.
Ekipet ndërkombëtare do të dërgohen në të gjitha centralet bërthamore të Ukrainës

Kryeministri ukrainas, Denys Shmyhal, tha se marrëveshja për lëvizjen e armëve të rënda nga centrali bërthamor i Ukrainës në Zaporizhja është ende duke u diskutuar.

Por, ai shtoi se ishte marrë vendim për të dërguar ekipe të Agjencisë Ndërkombëtare për Energji Bërthamore (IAEA), në të gjitha centralet bërthamore të Ukrainës.

Shmyhal nuk dha më shumë detaje, por këto komente i bëri, më 13 dhjetor, pas takimeve që pati në Paris me presidentin francez, Emmanuel Macron, dhe shefin e IAEA-s, Rafael Grossi, ku u diskutua për centralin bërthamor në Zaporizhja.

“Rusët kanë ende një qëndrim të fortë ndaj centralit bërthamor”, tha ai në televizionin ukrainas.

“Negociatat po zhvillohen si nga pala franceze, ashtu edhe nga Agjencia Ndërkombëtare për Energji Bërthamore”, tha ai.

Vendimi për të dërguar ekipe të IAEA-s në të gjitha centralet është pjesë e një përpjekjeje për të shmangur një katastrofë në zonën e luftës.

Grossi, deklaroi më heret se ai mbetet “tmerrësisht i shqetësuar për situatën në central, i cili është burim rreziku për aq kohë sa vazhdojnë bombardimet”.

Ky central ka qenë një nga shënjestrat e ushtrisë ruse prej nisjes së luftës në Ukrainë, në fund të muajit shkurt.

Moska dhe Kievi kanë fajësuar njëri-tjetrin për bombardimet rreth centralit, të cilat kanë rritur shqetësimet për katastrofë bërthamore.

Biletë:

vovalbania

Redaktori nuk ka dhënë ende asnjë informacion për veten e tij.

Total 45351 ka shpërndarë postimin.
MEDIAT SOCIALE