Së fundmi regjisori Harvey Weinstein u shpall fajtor për tre akuza për përdhunim dhe sulm seksual, ndërsa juria e liroi atë nga një akuzë tjetër dhe nuk arriti unanimitet për tre akuza të tjera. Weinstein u përball me dy akuza për përdhunim dhe pesë për sulm seksual në episodet që dyshohet se ndodhën në hotelet e Los Anxhelosit midis viteve 2004 dhe 2013.

Fituesi 70-vjeçar i Oscar-it pritet të përballet me një dënim deri në 24 vjet burg. Ai tashmë po vuan 23 vjet burg pasi u dënua për përdhunim dhe sulm seksual në gjyqin e tij të parë në Nju Jork dy vjet më parë. Weinstein u shpall fajtor për përdhunim dhe dy akuza për sulm seksual që përfshinin një akuzuese të njohur si Jane Doe 1, e cila ishte një modele me origjinë ruse. Juria nuk ishte në gjendje të vendoste për disa pika, për akuzat që përfshinin Jennifer Siebel Newsom, gruan e guvernatorit të Kalifornisë Gavin Newsom.

Gjyqi u dëgjua nga dhjetëra dëshmitarë në më shumë se katër javë dëshmi. Por vendimi i fundit u fokusua në akuzat e katër grave që datojnë nga 2005-2013. Juria e përbërë nga tetë burra dhe katër gra kaloi 9 ditë duke diskutuar mbi tre akuza për përdhunim dhe katër akuza të tjera për sulme seksuale. Brenda disa javësh nga zbulimet e para, gati 90 gra ishin paraqitur duke akuzuar Weinstein për sjellje të papërshtatshme dhe dhunë seksuale në incidente që datojnë që nga vitet 1970.