Shumica e njerëzve besojnë që ekzistojnë dallime të mëdha midis orgazmës së grave dhe asaj të burrave. Mirëpo e vërteta është paksa më ndryshe, pothuajse nuk ka fare dallime.

Me një sërë hulumtimesh është konstatuar që nuk ka dallime mes orgazmave, sepse janë reaksione të njëjta fiziologjike edhe te meshkujt edhe te femrat gjatë përjetimit të orgazmës. Për më tepër, edhe meshkujt, edhe femrat, e përshkruajnë orgazmën me fjalë të njëjta.

Gjatë kohës së orgazmës edhe te femrat, edhe te meshkujt çlirohet hormoni oksitocinë, i cili është i njohur si hormon i “dashurisë”. Të vetmet dallime të cilat ekzistojnë kanë të bëjnë me sasinë e lëngjeve trupore të cilat çlirohen gjatë përjetimit të orgazmës.

Gratë mund të përjetojnë orgazma njëra pas tjetrës, ndërsa te meshkujt është ndryshe. Në të vërtetë, atyre u nevojiten 15-20 minuta që të jenë të gatshëm për ‘raundin e dytë’.

Me siguri nuk ka ndonjë grua e cila së paku një herë në jetë nuk ka përjetuar dridhje këmbësh pas seksit. Shumica e njerëzve mendon që kjo është pasojë e marrëdhënies së mirë intime. Megjithatë, dridhja e këmbëve nuk ndodh vetëm për shkak të seksit me partnerin. Mund të shfaqet edhe nëse kënaqeni me lodra për të rritur, por shtrohet pyetja, përse ndodh kjo gjë? Zbuloni më shumë duke lexuar në këtë link.

Ndërkaq, çrregullimi i orgazmës femërore, ose problemet me përjetimin e orgazmës, përbëjnë një nga shqetësimet më urgjente dhe më të zakonshme për të cilat gratë mund të vizitojnë një seksolog. Është problemi i dytë seksual më i shpeshtë i raportuar, pas mungesës së dëshirës seksuale.

Të dhënat e fundit tregojnë se 16-25% e grave në vende si SHBA, Australia, Kanadaja dhe Suedia raportojnë këto sfida. Për shkak se ky problem është kaq shqetësues dhe dihet kaq pak për të, studiuesit aktualisht po vëzhgojnë se çfarë ndodh në trurin e grave që nuk përjetojnë dot orgazmën.