Në intervistën e saj të fundit, Kate e bëri të ndihet mjaft rehat një vajzë të vogël, ndërsa përgatitej të intervistonte aktoren. Gazetarja e re u nervozua ndërsa përgatitej për të intervistuar Kate Winslet dhe aktorja e bëri vajzën të ndihej mjaft komode. Duke u munduar ta qetësonte ankthin e saj, Kate Winslet i tregoi publikut se ishte intervista e parë e vajzës dhe prandaj donte ta bënte atë të ndihej sikur gjithçka ishte në rregull.

Në një videoklip që tani është bërë viral, intervistuesja pranoi:

Është hera ime e parë.

Duke u përkulur nga vajza, Kate dëgjohet duke pyetur:

Kjo është hera e parë që e bën këtë? Epo në rregull, e di çfarë? Kur ta bëjmë këtë intervistë, do të jetë intervista më e mahnitshme që do të bësh ndonjëherë. Dhe a e di pse? Sepse ne duam që  të jetë e tillë.

Kate Winslet reassuring this young girl that her interview will be amazing is the most precious thing I’ve ever seen pic.twitter.com/sm0D5FWWsM

— Liv Marks (@OliviaLilyMarks) January 9, 2023

Ndërsa intervistuesja qeshte, Kate Winslet vazhdoi:

Pra, ne kemi vendosur të gjithë së bashku që kjo do të jetë një intervistë vërtet fantastike. Dhe mund të më pyesni çdo gjë që dëshironi dhe nuk keni pse të frikësoheni, gjithçka do të jetë e mrekullueshme.

Më pas Kate vazhdoi dhe i tha asaj:

Ti e kuptove këtë besoj. Në rregull le të vazhdojmë!

Kate Winslet iu rikthye filmave me filmin megabuxhetor të James Cameron ‘Avatar: The Way of Water’, vazhdim i filmit ‘Pandora’. Kate portretizon Ronalin, një mbretëreshë aliene dhe udhëheqëse të një klani oqeanik, në Avatar 2 dhe e mbajti frymën nën ujë për shtatë minuta e 14 sekonda gjatë xhirimit. Kate dhe James kanë punuar së bashku edhe në filmin ‘Titanic’. Kështu që ajo u rikthye me të në xhirime pas një hendeku prej 25 vitesh.