Lëngu i karotave është një lëng perimesh i njohur sepse është shumë më i ëmbël dhe më i butë në shije se llojet e tjera të lëngjeve, dhe gjithashtu ka një listë mjaft të gjatë të përfitimeve shëndetësore. Lëngu i karotës, përmban pak proteina dhe fibra, ndërsa ruan një përmbajtje të ulët yndyre dhe kalori.

Ai është gjithashtu i pasur me vitamina dhe minerale, përmban vitamina A , C dhe K, si dhe kalium .në çdo filxhan. Lëngu i karotës gjithashtu ka komponime bimore të quajtura karotenoidë që veprojnë si antioksidantë dhe luftojnë dëmtimet e shkaktuara nga radikalet e lira në trup.

Një filxhan me lëng karote përmban 250% të dozës së rekomanduar ditore të vitaminës A në formën e karotenoideve si beta karoten, luteinë dhe zeaksantinë. Të gjitha këto kontribuojnë në shëndetin optimal të syve dhe mund të zvogëlojnë rrezikun e sëmundjeve të syve të lidhura me moshën.

Arsyet për të pirë lëng karrote, megjithatë, nuk ndalen në shëndetin e syve. Sipas ekspertëve, të njëjtët antioksidantë që mbrojnë sytë tuaj mund të zvogëlojnë gjithashtu rrezikun e zhvillimit të disa llojeve të kancerit. Konsumimi i perimeve dhe konsumimi i lëngut të perimeve mund të zvogëlojë rrezikun e kancerit të gojës, ezofagut, mushkërive apo stomakut. Ky lëng, është një zgjedhje e shkëlqyer për t’u pirë edhe gjatë shtatzënisë, pasi kalciumi, acidi folik, magnezi, kaliumi dhe vitamina A ndihmojnë një fetus në rritje të bëhet më i fortë.

Vitamina C gjithashtu forcon sistemin imunitar dhe kaliumi ndihmon në ruajtjen e shëndetit të mirë të zemrës. Lëngu i karotës madje mund të zvogëlojë rrezikun e sëmundjes së Alzheimerit. Por, ashtu si me të gjitha ushqimet, megjithatë, çdo gjë e tepërt mund të jetë e dëmshme. Është gjithashtu e rëndësishme të theksohet se lëngu i karotës përmban fibra minimale dhe nuk do t’ju mbajë të ngopur për një kohë të gjatë. Për të shijuar të gjitha përfitimet e karotave, duhet të hani të gjitha perimet sa herë të keni mundësi. Megjithatë, lëngu i karotës është një alternativë e shkëlqyer për lëngjet e frutave me sheqer dhe pijet e gazuara.