Një departament policie në Rhode Island tha se ka pranuar kërkesën e një banori për t’i bërë testet e ADN-së të mbetjeve të një biskote dhe disa karotave për të përcaktuar “nëse Babagjyshi i kishte ngrënë ato”. Departamenti i Policisë së Cumberland tha në një njoftim për shtyp se mori një letër këtë muaj nga “një hetuese e ri” që kërkonte të testonte një biskotë Oreo të ngrënë pjesërisht dhe disa shkopinj karrote për fëmijë për të identifikuar nëse ato ishin ngrënë vërtet nga Babagjyshi në natën e 25 dhjetorit. Në njoftim nga zyra e policisë thuhej:

Në fillim të këtij muaji, një hetuese e re nga qyteti i Cumberland dorëzoi letrën e bashkangjitur duke kërkuar që të kryhej një analizë e ADN-së mbi biskotën e ngrënë pjesërisht dhe mbetjet e karotave që ajo mori në mëngjesin e 25 dhjetorit 2022, për prova të mundshme të ADN-së së Santa Claus (Babagjyshi, i njohur si Saint Nicholas, apo si St. Nick) dhe/ose një nga nëntë drerët e tij. Si i tillë, shefi Benson udhëzoi menjëherë Divizionin e tij Hetimor që t’ia përcjellë provat e saj Departamentit të Shëndetit dhe Njësisë së Shkencave Ligjore të Shtetit të Rhode Island-it për analizë. Shefi Benson vuri në dukje:

“Kjo zonjushë ka padyshim një sens të mprehtë për të vërtetën dhe procesin hetimor dhe bëri një punë të jashtëzakonshme duke paketuar provat e saj për dorëzim. Ne do të bëjmë çmos për t’i dhënë përgjigje asaj.”

Ndërsa Departamenti i Policisë Cumberland pret rezultatet e testimit, departamenti ka qenë në kontakt me këtë detektive të CPD-së së ardhshme dhe i dha asaj disa prova tashmë të zbuluara në mbështetje të pranisë së Babagjyshit në lagjen e saj natën e 24 dhjetorit 2022. Më shumë informacion për t’u ndjekur në javët në vijim… Qëndroni në pritje.

Ushqimi u dërgua tek Njësia e Shkencave Ligjore të Shëndetit të Shtetit të Rhode Island për analiza, deklaroi Benson. Ky i fundit bëri të ditur se departamenti i kishte ofruar vajzës disa “prova të zbuluara në mbështetje të pranisë së Babagjyshit në lagjen e saj”, një foto e një dreri në zonë në prag të Krishtlindjeve.