Disa turistë kanë mbetur të habitur dhe “janë ankuar” për madhësinë e “shtëpisë më të vogël” në Britani. Edhe pse ajo ka një emër të tillë, disa vizitorë kanë thënë se ishte ‘shumë e vogël’ për ta dhe thanë se ishin të shokuar kur panë një ‘shtëpi kaq shumë të vogël’.

Sipas mediave britanike, rreth 55,000 njerëz e vizitojnë çdo vit atraksionin e quajtur Shtëpia më e Vogël në Conwy, në Uellsin verior. Por kjo nuk do të thotë që çdo vizitor ka dalë nga aty i kënaqur, me disa të tjerë që gjithashtu ankohen për mungesën e objekteve.

Ndërkohë disa kanë shprehur shqetësimin për numrin e njerëzve që mund të akomodohen aty, që është 182 centimetra e gjerë dhe rreth 3 metra e lartë, të tjerë janë shprehur të zhgënjyer nga mungesa e një kuzhine apo banje. Një tjetër ishte i sigurt se askush nuk kishte jetuar ndonjëherë atje ndërkohë që një person u ankua se nuk kishte hapësirë të mjaftueshme për t’u rrotulluar.

Shtëpia e vogël u krijua në shekullin e 16-të dhe mbeti në përdorim deri në vitin 1900, kur qiramarrësi ishte një peshkatar 1,91 m, i quajtur Robert Jones. Dhomat ishin shumë të vogla që ai të ngrihej plotësisht dhe përfundimisht u detyrua të largohej kur këshilli e shpalli shtëpinë të papërshtatshme për banim, së bashku me një numër pronash. Shtëpia është në pronësi të pasardhësve të pronarëve.

Pas disa bindjeve nga redaktori i atëhershëm i North Wales Weekly News, Roger Dawson (pronari) dhe redaktori bënë një turne në Mbretërinë e Bashkuar për ta shpallur shtëpinë si ‘Shtëpia më e Vogël në Britaninë e Madhe’, një status që më vonë u konfirmua nga Libri i Rekordeve Guinness. Shtëpia u përfshi kohët e fundit në një fushatë reklamuese nga kompania e mobiljeve Snug, e cila demonstroi se ata mund ta vendosnin divanin e tyre në shtëpinë më të vogël në Britani.