Ish e dashura e Cristiano Ronaldos me sa duket se do të nisë një luftë, duke pretenduar se partnerja e tij, Georgina Rodriguez ka bërë operacion plastike për t’i ngjasuar Kim Kardashian. Nereida Gallardo, 39 vjeçe, u takua me yllin e futbollit për tetë muaj në vitin 2008 dhe tani drejton sallonin e saj të bukurisë në Ishujt Balearik. Ish-modelja krenohet me pothuajse 40,000 ndjekës në Instagram, ku promovon trajtimet e biznesit të saj, duke përfshirë reduktimin e yndyrës jo-kirurgjikale, zbardhjen e dhëmbëve dhe ‘filler’-at.

Në fillim të këtij muaji, pronarja e një biznesi të vogël përdori partneren e ri të ish-të dashurit të saj si një shembull të një personi të famshëm që mund të kishte rënë pre e operacioneve plastike, edhe pse Georgina, 29 vjeç, nuk e ka treguar kurrë publikisht nëse ka bërë një ndërhyrje plastike. Javën e kaluar, Nereida postoi një foto të vjetër, pa datë të Georgina-s dhe një selfie më të re që kishte bërë për të demonstruar se si ka ndryshuar pamja e saj. Pasi ajo kishte rrethuar me shigjeta hundën dhe gojën e Georgina-s, ajo shkroi:

 Sot do të flasim për Rinoplastikën ose Rinomodelimin.

Ajo më pas vazhdoi të shpjegojë ndryshimin midis të dyjave, duke thënë se njëra përfshinte operacionin dhe tjetra teknika joinvazive për të pasur ‘hundën që keni ëndërruar gjithmonë’. Duke u kërkuar ndjekësve të saj që të rezervojnë për një takim, ajo shtoi:

Cilën procedurë do të preferonit?

Edhe pse ajo nuk specifikoi se cilën procedurë beson se Georgina ka pasur, në fotografinë e parë në postim, përfshiheshin gjithashtu edhe imazhe të Angelina Jolie, Jennifer Lopez dhe Kim Kardashian. Në postimin e saj të fundit, i cili u postua dje, Nereida bëri një tjetër goditje ku krahasoi dy fotot e fundit të Georgina-s me Kim Kardashian. Duke i ftuar ndjekësit e saj të komentojnë se si kanë ndryshuar paraqitjet e të dyjave me kalimin e viteve, ajo ka shkruar:

Georgina Rodriguez ngjan gjithnjë e më shumë me Kim Kardashian, si mendoni?!