Ekspertët kibernetikë kanë lëshuar një paralajmërim të rëndësishëm për të gjithë përdoruesit e WhatsApp. Një truk i thjeshtë hakerimi mund t’u japë mashtruesve akses të plotë në WhatsApp-in tuaj. Kjo do t’i lejojë ata të dërgojnë dhe të marrin mesazhe sikur të ishin ju dhe potencialisht të mashtrojnë miqtë dhe familjen tuaj. Truku u vërejt për herë të parë nga studiuesi i sigurisë Zak Avraham, nga “zecOps”.

Dhe ekspertët e sigurisë kibernetike në Malwarebytes Labs kanë lëshuar që atëherë paralajmërimin e tyre. Zuk shpjegoi:

Marrja e fundit e llogarive WhatsApp është një ide e thjeshtë dhe gjeniale. Ja se si funksionon ajo: Ju jeni duke fjetur. Një ‘haker’ përpiqet të hyjë në llogarinë tuaj nëpërmjet WhatsApp. Ju merrni një mesazh me tekst me një të shtypur që thotë “Don’t share this”. Ju nuk e shpërndani atë, megjithatë ju ende hakeroheni.

Kjo ndoshta mund të tingëllojë e pamundur, por ekspertët thonë se është jo vetëm e mundur, por edhe mjaft e thjeshtë për t’u ekzekutuar. Hakerët përfitojnë nga dy gabime të thjeshta që ju bëni. Sapo një haker të fitojë akses në llogarinë tuaj, ai mund të konfigurojë një PIN vërtetimi me dy faktorë për t’ju parandaluar të rifitoni llogarinë tuaj. Malwarebytes Labs paralajmëron:

Pasi llogaria të jetë vjedhur, sulmuesi mund ta përdorë atë për të vjedhurr llogaritë e kontakteve të përdoruesit, për të përhapur ‘malware’ ose për ta mbajtur llogarinë peng derisa pronari të paguajë për ta rikthyer atë.

Si të parandaloni këtë sulm?

Një zgjidhje e thjeshtë është të siguroheni që po përdorni mbrojtjen më të mirë të postës zanore në llogarinë tuaj të telefonit dhe jo vetëm opsionet e paracaktuara. Por ju gjithashtu mund të parandaloni sulmin thjesht duke vendosur vërtetimin me dy faktorë në WhatsApp tuaj. Kjo është shumë e lehtë për t’u bërë dhe parandalon një sërë trukesh të zakonshme për marrjen e WhatsApp. Për ta konfiguruar, hapni WhatsApp dhe më pas shkoni tek Settings > Account > Two-Step Verification.