A e dinit se ekzistonte një lokal në Dubai ku si kamariere është një robot femër? Punonjësja robot shërben pije dhe akullore të ndryshme për klientët e saj. Donna Cyber Café quhet lokali dhe roboti ka emrin Donna. Donna do të mund të shërbejë si kafe ashtu edhe akullore, pa ndihmën e njerëzve dhe sidomos me shpejtësi. Ajo gjithashtu do të jetë në gjendje të bisedojë me klientët, t’u tregojë atyre një histori ose të bëjë selfie me ta.

Është dizenjuar në atë mënyrë që të duket si një grua e vërtetë, me lëvizjen e saj të duket njerëzore dhe jo mekanike, ndërsa mund të lexojë, aq sa i lejon teknologjia, madje edhe disa emocione të njerëzve që ka ndaj saj. Lëkura e Donës është prej silikoni dhe sytë e saj janë si të vërtetë.

Vendndodhja e saktë e lokalit ende nuk është zbuluar. Produktet do t’u shërbehen klientëve me duar robotike, ndërsa pagesa do të bëhet në një terminal automatik, vetë-shërbim.