Ilir Shaqiri hyn në shtëpinë e “Big Brother Vip 2”, ja çfarë i tha Luiz Ejllit!
Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Ditën e sotme në kuadër të një loje brenda shtëpisë është futur fituesi i edicionit të parë i këtij formati, Ilir Shaqiri. Ajo që bie menjëherë në sy është se si Iliri takon Luizin dhe i ofron atij një cigare, teksa nis edhe bisedën me banorët e tjerë. Ndër të tjera ai ka patur një bisedë me Luizin dhe me banorët e tjerë rreth kurioziteteve të tyre për të ditur infomacione nga jashtë dhe se si shihen ata nga audience. Luizi e ka pyetur Ilirin se kush fiton sipas tij dhe balerini është shprehur:
Iliri: Kush ka hyrë i parë do dal i fundit…
Luizi: Olta ka hyrë
Iliri: Ti hyre i fundit, por ndoshta është anasjelltas këtë vit…
Gjatë orëve të fundit, ka patur një debat mes Luizit dhe Armaldos, me këtë të fundit shumë të mërzitur dhe të rënduar emocionalisht. E teksa shumë pyesnin veten se si do të reagonte Kiara në një debat mes dyshes, ajo i ka dhënë forcë Maestros, duke e këshilluar mos të dorëzohet.