Sony do të nxjerr në treg PlayStation VR2 më 22 shkurt, një vit pasi u prezantua në CES 2022. PS VR2 kushtojnë 550 dollarë dhe porositë paraprake janë ende të disponueshme përmes dyqanit PlayStation Direct të Sony-t. PlayStation VR2 kërkon një tastierë PS5 për të luajtur dhe ka nevojë për një lidhje USB-C me tel gjatë përdorimit. Kufjet e realitetit virtual vijnë me dy kontrollues wireless PS VR2 Sense dhe një palë kufje. Një stacion karikimi kontrollues shitet veçmas për 50 dollarë.

Rikujtojmë se CEO i Meta-s, Mark Zuckerberg ka prezantuar së fundmi kufjet e reja të realitetit virtual (VR), Quest Pro, në një event online që u mbajt për zhvilluesit. Kufjet Quest Pro do të kushtojnë 1,499 dollarë, Quest Pro kushtojnë pothuajse katër herë më shumë se kufjet aktuale të Meta-s, Quest 2, që kanë çmimin prej 399 dollarësh. Kufjet kanë lente më të holla, një bateri të lakuar rreth rripit të kokës në pjesën e pasme dhe kontrollues që vetë-gjurmohen