Aktorja amerikane Danielle Deadwyler akuzon se industria e filmit është e ndikuar thellësisht nga racizmi sistematik, pasi asnjë grua me ngjyrë nuk u nominua për aktoren më të mirë në Oscar të këtij viti. Deadwyler pritej të njihej për performancën e saj në dramën “Till”. Aktorja nuk u nominua, ashtu si edhe Viola Davis, e cila u diskutua se do të ishte në garë.

Deadwyler tha se ka një racizëm të fshehtë në shoqëri dhe në shumë institucione në jetën amerikane. Në filmin “Till”, aktorja luan nënën e Emmett Till, një djali 14-vjeçar me ngjyrë, i cili u vra nga një grup njerëzish në Misisipi në vitin 1955, pasi u akuzua që i fishkëlleu një gruaje të bardhë.

Duke folur për BBC Radio 4, Deadwyler tha:

Historia kinematografike është mbi 100 vjet e vjetër. Unë do të guxoja të them se sistemi është thellësisht i ndikuar nga racizmi sistematik që ka formuar në vendin tonë.

Deadwyler u vlerësua gjerësisht për performancën e saj në “Till” dhe u konsiderua si një nga favoritet për t’u nominuar në kategorinë e aktores kryesore në Academy Awards të këtij viti. Ndërkaq, nata më e madhe në kalendarin e sezonit të çmimeve, Oscars 2023 do të bashkojë emrat më të njohur të Hollivudit për një mbrëmje me statuja, fjalime dhe ndoshta, disa drama.

Nga nominimet e dukshme deri tek moda në tapetin e kuq që duhet të presim me padurim, këtu është gjithçka që duhet të dini. Nominimet për çmimet e 95-ta të Akademisë u shpallën më 24 janar nga Riz Ahmed dhe Allison Williams. Duke shënuar më së shumti nominime, hiti i Dan Kwan dhe Daniel Scheinert mblodhi 11 nominime, me njohje në kategoritë e aktrimit, si dhe një nominim të përbashkët për regjisorin më të mirë.