Majk padyshim që është një nga reperët më të klikuar dhe sidomos refrenet e tij dhe theksi shumë i veçantë e bën reperin të jetë vërtet unik. Jeta personale e reperit shpesh ka qenë ‘kryefjalë’ e mediave dhe kjo për arsye se artisti shpesh fotografohet nga paparacët në shoqërinë e vajzave (të njohura për publikun ose jo).

Artisti është prej shumë vitesh pjesë e tregut muzikor dhe showbiz-it ndaj dhe numri i fansave padyshim që është i madh në numër. Pak më parë me anë të një Instastory, Majk nuk ka ngurruar aspak të na e tregojë dashurinë e madhe që këta të fundit kanë ndaj tij në një video ku reperi shfaqet në makinë dhe përballë tij ndodhet në autobus me fëmijë dhe ata sapo e kanë parë janë entuziasmuar duke brohoritur për të.

Artisti solli një projekt të ri muzikor që u publikua në 1 dhjetor. “E pa shpirt” nga Majk edhe pse një këngë solo ka arritur suksesin e parë duke numëruar afro 7 milion klikime në platformën YouTube.

Teksa një sukses të padiskuteshëm e ka dhe ‘Ama’, bashkëpunimi i parë i dy reperëve që u publikua gjatë sezonit veror të kaluar dhe ka arritur deri më tani 16 milion klikime në platformën YouTube duke u renditur në këngët më të dëgjuara. Gjithashtu një ‘zhurmë’ shumë të madhe krijoi dhe protagonistja në videoklipin e këngës, modelja e njohur seksi Kejvina Kthella, e cila ‘i ngriti më shumë temperaturat’ me format e saj trupore.