Së fundmi Madame Tussauds në New York City njoftoi se figura e fundit e këngëtares Rihanna është zbuluar përpara performancës së saj në Super Bowl LVII në pjesën e parë. Statuja, e cila ndodhet në dhomën e shkëlqimit, paraqet pamjen e 34-vjeçares në Met Gala 2018.

Joerg Hanel, Drejtor i Përgjithshëm në Madame Tussauds tha se:

Rihanna është e sigurtë se do të bëjë histori me shfaqjen e saj të ardhshme live këtë të dielë, kështu që koha është perfekte që ne të zbulojmë figurën e saj të re ekskluzivisht në Madame Tussauds New York, ku fansat mund të admirojnë dhe pozojnë me ikonën.

Sipas Madame Tussauds, fansat kanë një tjetër figurë të Rihanna-s që do të mund ta shohin më vonë këtë vit në Madame Tussauds në Orlando, Florida. Rikujtojmë, se diva e muzikës pop do të dalë në skenë për herë të parë në ndeshjen e madhe këtë të diel, më 12 shkurt dhe është planifikuar të performojë disa nga hitet e saj më të mëdha.

Detajet rreth performancës janë sigurisht të fshehta, por një burim i tha ET se këngëtarja është shumë e emocionuar. Rihanna së shpejti do t’u rikthehet turneve. Sipas “The Sun”, datat për Amerikën e Veriut janë vendosur dhe pas shfaqjes në “Super Bowl”, artistja do të organizojë një turne botëror dhe datat për Evropën do të publikohen në vitin 2024. Bukuroshja është parë disa herë në studio muzikore, por zërat kanë deklaruar se kishte shkuar për të vizituar partnerin e saj, A$AP Rocky.