Përditësimi i ri i Google Maps sjell me vete Pamjen Immersive, një veçori që fillimisht do të funksionojë në Londër, Nju Jork, San Francisko, Los Anxhelos dhe Tokio dhe më pas në Amsterdam, Dublin, Firence dhe Venecia. Ky funksion i ri është krijuar me qëllimin për të na ndihmuar të përpunojmë më mirë vendet që do të vizitojmë, për t’i eksploruar ato në mënyrë digjitale për një kohë.

Me pamjen Immersive do të shohim hapësirën përreth ndërtesës së vendit që do të vizitojmë, do të gjejmë saktësisht se ku janë hyrjet, do të shikojmë se si duket zona në periudha të ndryshme të ditës dhe si do të jetë moti. Google Maps do të na tregojë restorantet pranë dhe do të na lejojë të hedhim një sy brenda, për të kërkuar vendin ideal për darkën tonë.

Në të njëjtën kohë, Google njoftoi se Search po pasurohet me Live View në më shumë vende në Evropë. Kështu do të gjejmë më shumë vende si dyqane ose ATM kur të jemi jashtë. Sa i përket Indoor Live View, i cili u lançua në vitin 2021, ai tani po zgjerohet në 1000 aeroporte të tjera, stacione treni dhe qendra tregtare.

Rikujtojmë se vitin e kaluar, Google filloi të ofrojë mënyra alternative të navigacionit të automjeteve, ku në vend të udhëtimit më të shkurtër, ofron rrugë më efikase për konsumin e karburantit dhe mjedisin. Problemi është, se automjete të ndryshme konsumojnë karburant në mënyrë të ndryshme.