Momente epike janë kapur gjatë protestës së opozitës, ku mes zhurmës së kapsollave dhe flakadanëve, ka pasur edhe përqafime.

Në pamjet shihet një protestues që përqafon dhe puth punonjësit e policisë, të cilët janë vendosur në kordon para Kryeministrisë.

“Ramës ia kemi prerë biletën” Berisha fton protestuesit të hënën para parlamentit

Kreu demokrat Sali Berisha i bëri thirrje të gjithë protestuesve që të hënë të mblidhen para parlamentit deri në fitoren përfundimtare të opozitës.

“Jemi në një mision të shenjtë kundër një shteti që sillet më keq se çdo pushtues osman, nazist, fashist, diktaturë që ka njohur Shqipëria gjer më sot. Edi Ramës ia kemi prerë biletën, kthim pas nuk ka! Misionarë si ne, nuk i ndalon dot asgjë! Ne kemi të vërtetën, ne kemi idealet, ne kemi dashurinë tonë për këtë vend dhe për këtë tokë. Ne kemi besnikërinë tonë ndaj miqve tanë. Ne, asgjë nuk mund të na pengojë në këtë rrugë. Edi Rama e ka shndërruar parlamentin në një turp të historisë tonë kombëtare, më keq se parlamenti i Putinit dhe Lukashenkos. Aty ai shfrytëzon çdo mekanizëm për të përjashtuar përfaqësuesit tuaj nga përmbushja. Dita e hënë është ditë parlamenti. Revolucioni na fton, të gjithë para parlamentit. Populli i protestës, populli i fitores, të gjithë të bashkohemi të kalojmë nga beteja në betejë deri në fitoren tonë përfundimtare. Edi Rama, harroje se mund të përjashtosh këtë popull nga vota dhe zgjedhjet. Jo Surreli, po as Biza dhe Martaneshi nuk i pengon këta që të të gjejnë deri në vrimën e miut dhe të japin atë që meriton. Së fundmi, edhe njëherë, një mirënjohje të pakufishme për ju në këtë shesh. Ju ftoj të vazhdojmë marshin e lirisë, të vazhdojmë marshin e fitores!”