Sondazhi i TAR/Cili banor do të largohet sonte nga shtëpia e “BBV2”?
Ajo është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 po përfliten kudo në rrjet, dhe janë kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
Pas hapjes së ‘Kutisë së Pandorës’ të martën nga Kiara e cila në këmbim të një udhëtimi në çift në Maldives duhet të dërgonte në nominim 3 banorë, ajo zgjodhi Oltën, Dean dhe Tean.
Lidhur me këtë në faqen e Web-it të Top Albania Radio-s u ngrit një sondazh. Të pyetur në sondazhin e TAR se cili nga banorët e BBV do të largohet nga shtëpia më e famshme në Shqipëri, shqiptarët kanë votuar: Dea Mishel (50%), Tea (31%), Olta (19%).