Pritet të mirëpresë rreth 22 milionë pasagjerë në vit, aeroporti më i veçantë që mund të keni parë deri më tani!

vovalbania February 13, 2023 0 koment 1 Mund të lexoni në minuta.
Pritet të mirëpresë rreth 22 milionë pasagjerë në vit, aeroporti më i veçantë që mund të keni parë deri më tani!

Së fundmi, një nga arkitektët më të njohur të Kinës, Ma Yansong, ka zbuluar projektin e kompanisë së tij për një aeroport të ri në qytetin verilindor të Changchun. Sipas dizajneve të publikuara, aeroporti ngjason me një “pendë lundruese”. E vendosur në rreth 270.000 metra katrorë, ndërtesa do të lidhet me dy terminalet ekzistuese të aeroportit, i cili nëpërmjet rrugës dhe metros del drejtpërdrejt në qendrën e qytetit Changchun.

Kur të përfundojë, pritet të mirëpresë rreth 22 milionë pasagjerë në vit. Megjithatë, ende nuk ka një datë fikse se kur mund të hapet. Në ndërtesën e terminalit do të mbizotërojë ngjyra e artë dhe ajo e bardhë. Përgjatë harqeve në tavan janë lënë disa hapësira që lejojnë dritën natyrale të depërtojë, por edhe u jep mundësinë pasagjerëve të shikojnë dhe fotografojnë avionët mbi kokat e tyre.

E gjithë ndërtesa ka elemente të shumta të natyrës, si për shembull një kopsht të brendshëm me pemë e lule, një tavan prej druri nga ku varen bimë kacavjerrëse, si dhe piktura të shumta tradicionale kineze, ku mbizotëron i ashtuquajturi peisazhi “shanshui” (ose “mal dhe ujë”).

Në Kinë, së fundmi, janë përfunduar shumë projekte të tilla si për shembull Aeroporti Ndërkombëtar Daxing në Pekin, i ngjashëm me një yll deti apo Aeroporti Ndërkombëtar Chengdu, forma e të cilit ngjason me një krijesë mitologjikë kineze. Qeveria vendase synon që të ketë 400 aeroporte në përdorim deri në vitin 2035, nga 241 që funksiononin deri në vitin 2020.

Biletë:

vovalbania

Redaktori nuk ka dhënë ende asnjë informacion për veten e tij.

Total 45351 ka shpërndarë postimin.
MEDIAT SOCIALE