Venera Lumani dhe Lind Islami, janë një nga çiftet më të dashura të skenës dhe të jetës. Vetëm para pak ditësh, më 11 Shkurt ata kanë festuar 10-vjetorin e tyre të lidhjes në një udhëtim të bukur në Meksikë.

Të ftuar këtë në emisionin e Rudina Magjistarit në Tv Klan për të folur për projektet e tyre, ata kanë dhënë një lajm të bukur.

Rudina Magjistari: Një ceremoni martese, ndonjë gjë, e keni menduar ndonjëherë ta bëni?

Lind Islami: Kemi menduar. Kjo është periudha, prandaj ndoshta ka ardhur kaq bukur ky 2023 me plane të reja sepse i kemi menduar këto gjëra. Deri tani ishim të fokusuar shumë vetëm te puna, ndërkohë tani sikur ndihemi gati të ecim akoma.

Rudina Magjistari: Për të ndërmarrë dhe këtë hapin tjetër.

Rudina Magjistari: Që më duket që  në 2023 qenka plani për ta bërë, pra do bëni dasmë në 2023?

Venera Lumani: Do bëjmë dasmë në 2023.